top of page

[蘋果日報]【戀上英識】UKiset補習天王

著名教育家Ken Robinsons說過,完成了一件工作,並不代表履行了一件工作。一個老師在某個課室內正在教書,但如果那個課室內的學生,根本沒有一個學到任何東西,這位老師也只是「完成」了教育的工作,而並沒有「履行」到這項職責。這便是finish和fulfill的分別。

我在一年前遇到一位學生和老師。

創業初期。有位家長過來公司找我,劈頭第一句便是想她的兒子Nathan考入一家叫Oundle的寄宿學校。Oundle的國際學生比例只有13%,香港人佔的部份更少,亦因如此想考 Oundle的香港人更為多,成功率當然不高。Nathan中等成績,英文科六十幾分,仲要喺一間校方必然未聽過嘅屯門中學讀書,性格顯然內向。你真心覺得Oundle會收阿仔?我想咁問,「你覺得Nathan真的適合嗎?」我最後說。家長一鼓作氣hard sell囝仔,但當然我心知,報得Oundle嘅香港學生通常都係嚟自喇沙或漢基等傳統名校,而且成績有返咁上下,我心只想幫你慳返報名費。

我唔想judge a book by its cover,最後我們當然是嘗試了,結果亦一如預期無功而還。第二,第三年我們屢戰屢敗。踏入第四個學年,這位家長用殷切的眼神問:「可以再幫幫手嗎?」。於是我跟Oundle的招生主任Caitriona Redding打了一通電話,一如所料她說這位同學的校內成績實太普通,英國人最怕say no,她建議Nathan可試考當時名校新引用的入學試UKiset。這個叫做UKiset的英國統一入學試,由劍橋大學及杜倫大學編寫,Oundle看似比Nathan多一次機會,但預料結果應該差不遠,我向家長轉達Caitriona的提議。